Angebotene Leistungen

Wer schlefferet uf em Iisberg

Und hüpft über Stock und Stei

Wele Vogel cha ned flüüge

Aber schwimme wie ne Hai

Wer watschlet um de Egge

Und treit sin Frack mit Stil

Wer macht so loschtigi Grüschli

Nei, Falsch! kes Krokodil

Sesch de Pinguin vo Afrika

Er het en rote Pulli a

De Pinguin vo Afrika

Het immer so fest chalt gha

Er het ghört as z’Afrika wärmer isch 

Bide grosse Elefante

Drum chlaut er sich es Gummiboot

Seit Ade sine Tante

Er winkt mit sinere Flosse und

grinst über s ganzi Gsicht

er trüllt en Piroutte

schwupps hopp und weg er isch

Sesch de Pinguin vo Afrika

Er het en rote Pulli a

De Pinguin vo Afrika

Het immer so fest chalt gha

So surft er über ne fetti Welle

E weg vo so chaltem Zügs Schnee

S wird täglich bitzli wärmer, Mann

De Pinguin so Ey, Yippieh

Doch plötzlich isch d Luft duss, O Nei

Er strandet mit eme Loch im Boot

Chömed em Sidi sini 220 Kamel 

As Retter ide Not

Sesch de Pinguin vo Afrika

Etz lueg emol de Vogel a

De Pinguin vo Afrika

Het plötzlich richtig warm gha

Sie trägid ihn dur d Wüesti

Uf ihrne stramme Bei

Retour Richtig Süde

Ufm direkte Weg nach Hei

Dert tüend scho alli warte

sind gspannt vo Kopf bis Fuess

sie schenket ehm en rote Pulli

as er nömm a d Wärmi muess

de Pinguin vo Afrika

Etz lueg emol de Vogel

De Pinguin vo Afrika

De muess mer eifach gern ha

de Pinguin vo Afrika

Er het en rote Pulli a

De Pinguin vo Afrika

De muess mer eifach gern ha